呢篇 Blog entry 一拖就差唔多四個月，無計，我上個月尾啱啱先親自飛去美國向當晚 "大會攝影師" William 攞相咋，再加埋少少整理，算快咗啦，哈哈！ 話哂 "畢業20周年" 喎，一班 "兄弟" 真係好用心去搞，當然唔可以求其啦！  大會醒目 banner
而我哋呢次仲有主題 ga，所有環節都有關佢...  叫 "集體回憶"。
整理返當晚啲相，心情依然激動，當中每一個 moment 都令我好難忘呀... 
响大門口貼咗上四次聚會嘅大合照，一次比一次多人，呢次最勁有成 70 人參加呀！ 
我哋都係玩包場，形式係食中餐，有過上幾次經驗，過程比預期中順利。 
一班工作人員一早就到場準備 set 嘢，辛苦哂！ 
而同學仔同老師亦都陸續到場... 
客串 "接待員" 昌 (左) 同文律師 (右) 亦忙住點名收數，讚！  歐陽好似影倒啲 "正嘢" 喎?! 
就住呢次主題，我哋仲特別準備咗一個叫 "回憶角" 嘅 corner： 
所謂 "回憶角"，即係好多同學仔將自己小學果陣儲起嘅 "珍藏" 借出嚟展出，好似有成績表、畢業證書、校刊、紀念冊、Prefect 章等等...  
大家睇返都好驚訝同好感動呀，啲記憶好似立即 "湧哂出嚟" 咁呀！   有啲真係估唔到有人會仍然 keep 住 ga，好似啲家課冊、校曆表、旅行通告...   
 真係好斐疑所思呀!!! 
因為無電腦，以前啲中文字全部都係人手寫 ga，不過睇返都覺得仲有味道 -- 係濃濃嘅人情味呀！  開學通告
 每日上嘅堂
我自己都有借出好多 "正正嘢" ga ...  
你睇大家咁好反應，係 "津津有味" 果隻，就知呢個 corner 有幾成功啦！  
 
聚會其中一個目的，就係令一班老師同學仔聚首一堂，咁當然要把握機會影多幾張相留念啦...  
有啲我真係成廿年第一次見返，好 "堅" 呀！ 
有唔少同學仔呢次仲有攜眷出席 tim...  
好嘞好嘞，晚宴正式開始之前我哋仲有大蛋糕切，係咪好勁先?! 
老師幫手切完，先同蛋糕嚟一個合照... 
然後再嚟張 "全家福" 大合照，人多到呢... (仲未計遲到果十幾個喎 ) 
影完上面呢張 "小學畢業20周年聚會" 經典相，終於到正式用餐 lu... 
先嚟一篇天主經作為 "飯前禱文"，大家仲好記得點唸喎，very good！ 
而我同昌就係呢晚嘅 M.C.，我哋嘅默契唔使夾過都天衣無縫啦！ 
好想講嘅係，當晚真係好感激七位 Ms 阿 Sir 嚟參加...   
  
 就算細 Man 嚟唔倒都拍咗條片即時播，超感動呀！
佢哋一如以往逐一同我哋講近況、感受...  Ms Cheuk
Ms Chu (左)、甄 Sir / 主任 (右)  
 Ms Ng
你哋睇吓大家幾咁專心聽，掌聲同歡呼聲仲此起彼落... 
Ms Kong (左)、Ms Lee (右)  
大家好 high 咁喎，身為 "搞手" 嘅，當然最開心見倒以下呢啲笑容啦...  
 
 文律師真係無時無刻都咁型仔！
 大 Man 同各位老師真係講得好好呀！
佢仲叫哂一班宜家 "接班" 作育英才嘅同學仔出嚟互勉一番... 
原來我哋當中真係有唔少 "為人師表" ga 喎，叻！ 講返轉頭，小學果陣就算畢業都無 "謝師宴"，但對於我哋嚟講係真係好想逐一多謝佢哋，所以呢晚都準備咗少少 "心意" 送俾咁多位出席嘅老師... 
係喎，晚宴開得成咁多圍枱，更厲害有兩位同學仔 William (中) 同 Vincent (右) 係專登為呢次响美國飛返嚟 ga... 
佢哋咁遠水路返到嚟，當然要俾佢哋講吓感想啦，我俾 100 個 "勁" 佢哋呀！ 
之前嘅 "全家福" 因為人頭太細粒，每圍枱同學仔於是再逐一同老師合照留念： 
快樂嘅時間轉眼就五粒幾鐘，搞足半年嘅 function 終於到咗尾聲，”Job done” 嘅感覺真係好。 
(一班義務工作人員/搞手同老師合照) 不過大家似乎意猶未盡喎，唔緊要啦，我深信好快又會再有下一次嘅，保重嘞！ P.S.： (1) 果晚嘅 "全家福" 係 "即影即印" 可以俾大家立即攞走 ga...  仲用返我哋小學嘅成績表做相框，不得不讚係好有心思！
(2) 再次特別鳴謝一班義務工作人員/搞手 -- 文律師、昌、竇生、Kevin、徐仔、William、阿呂同阿矮 (排名不分先後) ，無以為報呀！ | 
True
Premium
